尿片蛋糕

琴日老公放工後, 帶來二伯同二嫂既内祝, 即係回礼

上面有BB 既名, 仲附有一張BB相片,出生時候資料等等同message

打開仲有BB既名!!好靚呀~唔捨得食!!
不過我女一打開就已搶走豆沙缾了-_-"

4月中佢地既BB 出世, 日本人習俗都會係出院後送野俾BB,
o個個時候我就送左自製既尿片蛋糕同一套係2月返香港時買既迪士尼維尼熊初生衫仔

衫仔已送我都唔記得影下tim :P

因為一個尿片蛋糕係日本買都幾貴, 所以決定試試自己整
有意思來又可以han返d 錢!
原來做一個尿片蛋糕都唔太難, 除左上面既公仔同尿片
其他全部都係100yen 店買
成個尿片蛋糕用左唔洗港幣200蚊

網上參考左好多做法, 但我既做法就比較簡單
同時想二嫂可以將盒循環再用,
所以我冇用繩紮方法

做法:
初生BB樣樣野都要乾淨, 做之前要清理好工作桌雜物, 洗手消毒
(人送你野食時都唔想見到入面有條頭髮吧?!)

我會選擇用S碼片, 因為多數人一早已準備好NB片,
同肯定大把人送, S碼仲可以放耐d 先開黎用呢~
將片卷成一條, 放入在100yen 店買既食物膠袋, 或包裝紙包好
把卷好既片片放入盒,
上面再用透明膠封好, 用雙面膠紙貼好第2層底部, 同裝飾就可以
非常簡單!!

我既方法好處係, 用食物膠袋放的話
不但乾淨, 而且方便帶出街, 開黎用完放污穢片落去包好就可以掉了
收到既人又唔會覺得唔衛生

係日本YAHOO到打「おむつケーキ作り方」仲有好多唔同做法可參考ga :)