日本大減價

已過12點, 所以應該叫琴日?
星期5 好多地方第1日開始正式減價
今早一起身就先check online shop
,因為o禁o禁o禁, 會俾行去快,哈哈哈~~~
真係好誇, 本來想買既, 幾分鐘後就變左賣哂@@
買左幾多就唔好講, 幫朋友買既都唔少@@

搞左一輪, 家務未做, 個女又冇咩點理,
4點終於check 哂買哂主要online shop既野
一直係到諗出唔出去好呢......
因為其實我今日仲有個目標係去Pandora
都係忍唔住出左去...
先走去Tobu再走去Seibu
途中見到好多香港人, 我諗大家都係為減價以來吧?!

先去Tobu 買Pandora, 因為今日起出左一特價set
包1條鏈2個扣同一個吊咀
本來打算買2set, 但最後只買了一set加幾粒吊咀就算了
因為我家Ina 一直煩要水要糖呢樣個樣-.-"

特價呢set 送埋個盒仔!想要呢個盒好耐啦^_^

我仲係有d 死心不息, 心思思想再去Hysteric Mini睇下有冇野岩
其實早上先係網上買哂要買既野
不過都要去睇下:P
當然比網上賣既size同款多, 所以先買下, 再返屋企cancel 之前既訂單,哈哈~

再走過miki house, 一早就推左幾車衫仔出黎
幫一班香港媽媽朋友買左幾件, 都未有時間睇hakka baby
就已經8點要閂門了>.<

miki house 30%-50%off 仲要本來就比香港平d,
真係吸引左好多香港既媽媽黎買!!

平時執靚靚既hysteric mini 特價推出後, 店員都冇時間執招呼客人
到我俾錢時店員才認得我, 先話我知我keep既野已返貨
但係我一手都係特價貨仲點會買新貨?!:P

今日已經大量出血, 睇黎我要禁自己用電腦, 同出門一.一

Dr. Betta奶樽

上次Ina 用b-free 奶樽, 一直都用得好好,
但唯一唔好就係日本好難買到
要換奶咀就要空運
而且多野洗, 但Ina 用左真係好少嘔奶, 所以好快就變左大肥B!!

説明を追加

今次貪新鮮, 試下日本好多人用既br. betta
http://www.betta.co.jp/
起初留意完全因為佢外型非常吸引
個蓋係心心或者星星, 有時仲會同其他brand crossover

Milo

x girl next stage

因為我喜歡用微波爐消毒, 所以一直留意邊隻牌子適合
(crossover 既都係唔可以放微波爐消毒>.<殘念!!)

而且奶樽都拎過設計獎, 容易排氣, 減少飲奶入風嘔奶
同時唔會另bb 有耳疾
因為係坐直飲奶, 都唔會另剛學會啜奶初生bb"俗"親
掃風掃少d, 洗野洗少d, 休息又多d~keke

到專頁訂購, 會比較多限量size顏色, 跟街買既唔一樣, 同會平少少

盒好靚^_^其實用黎送礼都唔錯

仲有一支先送返香港, 連朋友送既, 一共準備4支, 其中一支係限定birthday 版!

bb出世後再報告好唔好用!!
好期待啊♪

Bitter Sweets Buffet

其實我好少介紹餐廳俾朋友, 因為我自己味覺其實真係麻麻

但今次少有地我真係覺得放題係好有質數
所以要講下~~

去完幼稚園, 跟一班香港媽媽朋友去食飯, 完全冇予約準備下
因為怕落雨, 所以去左池袋LUMINE9樓搵野食!
還好係12點前入座, 所以好快就有位啦

完全係俾佢個menu 上既甜品吸引而走入去!
雖然比一般放題貴d, 但去到真係覺得值返哂
(一大人1800yen, 3才以下小孩200yen, 一般lunch 放題千2~千5yen左右)

座位有屏風, 比較有私人感覺
店員知道我地有小朋友, 可能會比較嘈,都安排我地坐埋牆邊,
少人之如點嘈都唔怕啦,哈哈

店門外

淨野飲都已經佔左一個L位咁多
凍茶4款, 仲有西柚汁

熱茶都有12款, 最後試左士多啤梨茶, 真係好香!!
當然仲有一般咖啡

全意大利菜, ｐｉｚｚａ,意大利粉都有各3款

今期特別限定迷你漢包!非常juicy~
沙律bar 既蕃茄一食就知到唔係cheap 野,真係好甜!!

店員仲會即整窩夫同班戟

cake 件件都係細細件, 女孩子毎樣一件絕對冇問題!!

呢個真係一定要食!!!唔知你又可以食到幾多呢?:)

http://pscoop.jp/bsb/

上幼兒班用品

日本幼兒班大多一星期返一日, 2個鐘
但都要準備水杯, 毛巾等等呢d基本野
上左幼稚園, 毎樣物品日本媽媽都會做一個小繩索袋放好
幼兒班都仲係一齊上, 所以我都係買, 未開始做!

其實幼兒班算好少野了~

上學時, 要帶學校帽子,掛好名牌, 仲有毛巾

所以成身都扣住野, 暫時返學都係便服, 所以扣針搞到衫一個個洞>.<

 之後返學後一定要燙呢種係校服上面↓↓(中文叫咩呢?XD)

有個位可以套扣針咁就唔會整爛件校服!

後來發現有呢種扣, 唔會整爛衫都可以扣上扣針!
連厚毛巾都可以扣到上去ga!

左邊:將底部既膠粒放係衫入面, 長膠套扣係衫上面就可以
扣針穿過中間圓形既洞洞就,可以, 安全又方便

右邊: 可直接夾係褸扣上, 同樣扣針穿過中間圓形膠既洞就可以了

唔知香港有冇?真係做左媽媽先知道有呢d 野!!

日本外食

多謝日本好朋友送我揹帶同奶樽!!
今次第2胎真係洗少好多錢, 哈哈~
諗下諗下, 真係唔知為細細應該買D 咩...
係買得最多都係奶粉....
人地唔買日本奶粉, 我就仲要托返香港:P
廢事返香港同人搶, 貴之如, 食個幾月又要轉
所以不如買定帶返去啦.
不過唔知今次會唔會餵得好人奶呢?

新出既奶粉都係盒裝, 方便我帶返香港!
仲送左幾盒方便帶出外既輕便裝, 岩哂我返香港成日要出街用!!

剛整理自己d相, 諗諗下其實係日本食野都幾健康呀~
毎次返學前我都會去站內既honeys bar到買新鮮果汁!
全部都好好飲ga, 同香港個d 比呢d 感覺比較有細心研究過好冇味
唔似得香港個d 鍾意亂加埋一堆,雖然咁樣都好健康, 但對於我呢個有少少偏食既人
佢真係可以整到本來有d 我唔太鍾意既生果都可以好好味!

返學係百貨公司, 因為放學時間剛好12點半, 到處都係人,
我家Ina 肚餓起上黎要即刻食,
所以做便當又經濟,又健康~
日本百貨公司大多都有一個大空間俾Baby, 小朋友換片食飯,
唔洗係公園曬住食 :)
如果香港百貨公司商場都有呢d 地方就好啦, 不過一定俾d 無需要人士佔領哂@@

好乖豬,自己食哂, 咁覺大個女好多啦!!

前幾天跟朋友到秋葉原, atre1 內既マザ牧場雪糕係用新鮮純牛奶做!!
奶味濃,真係好好味~~
我呢個唔多鍾意飲奶既人都覺得好易入口,
為左細細, 我唔介意食多幾杯!哈哈
去食既大多都係遊客呢~~~

呢張係第1round , 食完真係唔夠喉, 黎多round!!!XD

琴日父親節, 冇特別慶祝, 但就約左好耐冇見既朋友
去左東武京橋千疋屋食Tea
個到有名生果甜品, 毎一粒生果都非常好食同新鮮!!!
真係唔怪得次次去都要排隊先有得食!

不單係個三文治好味, 連個沙律都非常好食

對於一個大肚婆真係食極都唔夠, 哈哈

其實中途仲去食左杯炒雪糕. 食完凍野甜野又想食熱野喊野,係咪好煩呢~kaka

因為我家主人唔太愛飲中湯, 所以其實我都好少整

所以有時我會去Soup Stock呢間飲湯既專門店

佢整既湯真係真材實料, 好濃味

今次就試左呢個參雞湯~

入面d雞已經煲到碎哂, 希望bb 吸收多d keke~

雖然香港人成日都話唔好食咁多街外野,
但係日本其實樣樣都好似好健康好靚好好味又唔油,
叫我日日出街食我都冇所謂:P

幼稚園見學

呢排一直忙住帶Ina 返學, 見學, 說明會
又陀住BB, 真係好累好累!!!
連個blog 都成個星期冇打>.<
仲有個半月就要返香港, 返去之前一定要決定邊間幼稚園啦!

日本見學說明會同面試, 家長都要著得好整齊
其實我自己大住個肚, 又熱, 真係唔想著到咁正式
媽媽要穿深藍色套裝, 黑手袋, 小朋友女孩子要著連身有領藍色裙
男孩子要著恤衫, 深藍短褲皮鞋,
今日到場有一大半人係咁著, 還好我冇咁著
因為校長講冇半個鐘就叫小朋友出去砂場到玩
難得呢班緊張媽媽著靚靚去, 院長叫小朋友去玩沙
我真係暗暗地笑了~~~

我仲未為Ina同自己準備好面接既衫呢>.<

後面小男孩穿恤衫皮鞋玩沙, 真係登媽媽肉痛~!

B車周邊用品

日本其實有好多可愛又實用既BB車周邊用品ga

其中有一樣成日係街俾人問我邊到買既

就係bottle holder 啦!

可摺起唔會阻地方, 放自己水樽bb水樽都好方便, 

唔洗下下係個袋到搵黎搵去,夾係BB車手隨手拎起就有, BB都飲多d 水啦!

另外一樣, 爛左我都要即買既, 就係BB被夾!

小朋友真係好鍾意跌野,

仲唔識話你知跌左, 咁就真係肉痛!

除左夾被之外, 仲可以夾帽, 又唔會夾偏帽型~

又可以夾住d玩具, 玩玩下跌左落地又要消毒要洗啦!

當然少不了一個好既掛鈎,

大多掛鈎都會寫明可負重幾多kg
一搬大約3kg, 
但我用既BB車掛鈎就付有密碼鎖(係一個香港媽媽自己設計,都幾好用)
鎖住個袋當然好, 最緊要可以鎖住到部車!!
實在聽過太多係迪士尼俾人偷BB車既經歷
所以有一個鎖就唔洗擔心俾人偷走啦! 
話哂一部BB車幾千蚊,又有二手市場, 偷左冇得用又慘~


黎緊夏天推BB車出外, 都會擔心BB中暑
最近日本就出左好多可放冰或有散熱功能既坐墊

除左可放BB車, 仲可用於car seat 坐位, 同揹帶

 

最近仲新出,下藏風扇, 幫助散熱

坐墊可吸汗, 污糟可以拎起機洗, 

小朋友係車上食野又易整污糟, 拎起舊冰一年四季都可用呀!

冬天怕凍又可加腳套, 落雪落雨都唔怕凍親BB啦^_^

包到成條虫虫咁, 但Ina 好鍾意啊,哈哈~

BB車

男人愛車愛跑車, 女人愛BB車!!
自從Ina 出世後我真係好鍾意睇BB車,
有時係街見到人地推住個BB 隻眼係望住人地部車多過人地個BB,哈哈

見細B媽媽會之前都有人問有關BB 車問題,
咁我就講下選擇一部岩自己既BB車要注意D咩啦

第一部BB車, 我用既係Aprica Laura Cocochi
係Ina 出世前準備好, 選佢既原因係:
因為佢外型靚, 係我鍾意既紫色,
算輕, 可單手收車, 普通電車地鐵電閘都可以過,
初生起就可以坐了, 車背仲有散熱功能,
太陽檔仲可以180度全遮蔽BB,雙向式
http://www.aprica.jp/products/babycar/typea/92861_6

但到7,8個月時我就決定放出, 轉買bugaboo bee plus
因為後來我發覺我真係好需要一個大籃幫我買送
自己又係一個緊張既媽媽, 出街總會帶好多野,
個媽媽袋重到真係同我讀專門時個道具袋有得比!!
日本車比較輕同細, 我女8個月時感覺好迫,
特別訓覺時覺得好辛苦好熱
買得多野時, 掛太多野係車會反車,好危險
前面既附手bb好鍾意將腳放上去, 又或者要爬係前面睇風景
仲會咬到濕哂>.< 5點式安全帶變得冇用, (其實用來掛玩具外真係冇咩用^^;)
有左反而仲防外大個時自己上落bb車, 變左毎次都要抱上落

8個月時既Ina 比一般BB 大隻, 仲唔喜歡扣安全帶>.<

其實第一胎真係唔會識去點選擇一部BB車
因為未清楚自己需要, 同BB 既習慣同Size,真係好易會買錯!
所以我既經驗,都係等BB出世後買會比較好

首先, 要清楚自己既需要同生活環境
如果出入多數自己一個人, 坐巴士, 就比較岩買可單手摺既BB車
坐地鐵多既其實買到一部可過普通閘既就已經OK
因為外國車,雖然大, BB坐得舒服, 但收車好多時都要整個座位拎起
自己一個人去街會唔會買好多野呢?
因為我一個人帶住Ina會買好多野, 買10kg米都係靠BB車

返香港時婆婆大出血, bee plus 變左部貨車!!

幫香港媽媽們代購福袋,掛到咁都唔反車@@

BB 真係大得好快, 我女骨架大,
日本車坐位太細,感覺佢坐得好辛苦,
而bugaboo 避震都非常好,
因為訓得舒服, 所以就算車停左係到, 都可以訓成2個鐘,
一部好車佢訓得舒服, 媽媽shopping , high tea時間都可以長d 啦:P

我係一個手機不離手既媽媽, 哈哈~
有d bb 車係好難單手可以推, 意思係如果唔用兩手推,
車唔可以行一直線. 聽電話, 落雨時都幾唔方便
所以試車時仲要試埋,坐左bb後仲可唔可以單手推一直線呢~~

之前Aprica 雙向既BB車唔洗拎起坐位, 只要較手柄就可以面向BB
但有媽媽就覺得好難推, 最後都係冇用到呢個功能
特別香港大風大塵, 又多唔識既傻人衝埋黎摸BB,
我真係覺得BB 6個月前係好需要向住媽媽坐

又講下點解我轉買bugaboo bee plus
到而加我都仲係好鍾意, 真係比較過好多車, 好適合我係日本用
最緊要佢實淨夠大, BB坐得舒服
佢連我4xkg 既人都可以坐上去!!(推我就冇試過)
購物籃夠大, 一包10kg 既米都放得落, 4罐奶粉冇難道!
車輪平時行路面唔會點feel到,
但我落沙地泥地雪地推一樣冇問題!!(呢個香港可能比較少d:P)
附手掛好多野都唔會易反車, 試過最多後面掛15kg 野, 再推12kg 既Ina都冇問題
可加專用板, 細B出之後Ina 就可以企係後面
背椅可拉高, 小朋友坐到4,5歲都仲可以
太陽擋可換喜歡顔色同配合自己用途!!
車輪, 車架都可以散買另配, 萬一邊到壞左都唔洗成部車換過@@
雖然佢說明話要兩手收車,
但只要先按安全掣後再拉起另一邊摺車掣就可以單手收車
香港日本地鐵一般電閘都可以過
坐位算高, 特別香港天氣熱,太低BB車吸熱, BB好易中暑!
同時BB車坐位高, 拍埋餐桌後唔會太低, BB睇桌底

為準備迎接細細, 已買好初生專用套,
Ina 企既踏板, 太陽擋都轉為可全拉下既UV擋^_^

唯一唔好係我返香港要坐村巴(旅遊巴)
車有d 重, 同大, 經常要摺真係唔多方便
唔能自立, 但可以拍埋牆或打橫放
踏板唔能同時摺起, 向出平訓時, 像根拉力唔夠有時仲會掉返落黎
但整體上好適合我而加環境用!
http://www.bugaboo.com/

雖然Ina 仲要經常住BB車, 希望細B 出世後佢會多行路
但都有想過如果佢要訓覺時, 我都要揹細B 呢...
如果細B 出世再早, 我諗我要買雙人車了
我咁愛BB車, 當然都有留意下孖B車啦
但我未用過, 又唔可以俾咩意見
但作為用者, 如果選擇孖B車, 前後座, 座位可較雙向平訓, 籃夠大會比較好
如果我要買, 一定會選擇Baby jogger  city select
因為佢係可變返單人車^_^ 咁大B 唔再坐車時都唔洗換嗎
http://beeswhobuzz.wordpress.com/2011/07/11/review-baby-jogger-city-select-2011/

下次寫介紹有關BB車周邊用品!

日本兒童節目

最近Ina 自理能力方面都好好, 2歲半就會自己自動自覺幫我摺衫

自己去次所, 最近唔洗點提仲會自己執返好玩具, 真係另外好驚喜又安慰!!

沖完涼返黎居然幫我全摺好, 雖然唔似得大人咁整齊, 但我已好安慰!
感動T_T

好多媽媽成日問我點教到個女可以咁乖

其實我冇咩點教, 只係毎日俾佢睇NHK 既兒童節目, 

節目後陪佢做返出黎而已, 好多都係佢自己學返黎!

未到2歲時佢已學會自己摺衫, 幫我手做曲奇, 打雞蛋等等了

有d 我係冇教過, 有d 係佢要求要試要幫手做

全都係睇おかあさんといっしょ、みつけた、いないいないばぁっ！等等幾個節目到學

http://www.nhk.or.jp/e-tele/genre/child.html

日本既兒童節目真係唔錯, 雖然有時不停會重複唱一隻歌, 

不停重複做同一個動作,大人睇真係覺得有d 悶
但小朋友自自然好快會記得

例如有個專欄係拍小朋友自己食哂飯, 自己著衫, 自己摺衫, 刷牙

小朋友會學其他既小朋友, 

例如Ina剛開始學習刷牙, 都有抗拒, 

但睇完節目後, 佢就學其他小朋友一樣刷牙, 仲俾媽媽幫忙刷

真係幫左我唔少忙!!

開始大個女, 女仔都鍾意煮野食

新節目すすめ！キッチン戦隊クックルン我女特別喜歡

節目會教做一d 簡單既料理, 

佢見到3位主角煮野食, 有時我煮飯時都會要求幫手做

雖然開頭可能未係控制得好好, 

但慢慢上手後, 有時都會幫到一點忙!

一齊做Pizza

媽媽口痕痕想食, 一齊做雷沙湯圓

一齊做apple pie

好窩心!Ina met 蜜柑我食, 但邊met邊做左一條橙皮路出黎haha

有時返香港開電視, 諗住俾個女睇下兒童節目

點知打開既都冇岩比較細小朋友睇既...

唔係小學show自己間學校有咩特別既樂器樂團, 特別既朗誦隊

就係邊位同學得左咩獎.....

兒歌來來去去唔係醫生唱歌就係紫昕姐姐出黎跳舞-_-

再唔係就明星是但拎隻歌黎當兒歌

完全冇心做節目

日本既兒童節目真係好到出DVD都有人買

如果唔介意係日文, 上amazon 搵返節目名

大多都會有出DVD (當然唔想日文都有教英文兒童節目,叫えいごであそぼ)

我都有買過麵包超人既DVD, 當然我女都係好鍾意睇

但講到真正學野, 都係真人教, 有小朋友示範, 

係學得最快!!

戒片分享

Ina 戒片都已有一個月, 暫時出街都會著住片

因為一喊就會控制唔到, 我又好怕好係街濕哂滴哂水唔知點做

所以完全唔著片都係等幾個星期一d 都冇濕我先有信心>.<

其實之前失敗左幾次, 試左第3,4次真係先成功

或者身體機能真係可能未準備好

如何開始呢?(雜誌中重點)

Step 1.

不停同佢講去完次所好舒暢~~

換片時問下佢, 係咪柯左呢?

柯左係咪好舒暢呢~?!

同埋習慣濕左少少都要即換

Step 2

記低大慨幾耐片片濕, 特別起身, 食飯後20分鐘, 外出換衫時都可以留意一下

如果佢唔係唔鍾意, 玩緊時2小時可以check一次

對佢去大去細時間有把握

Step 3

告知你要去次所, 可以帶埋佢去, 示範俾佢睇如何去次所

仲可以話佢知去次所既步驟, 或幫忙沖水

俾佢知道去次所係開心!

同時可以係次所中貼上小朋友鍾意既公仔減低去次所係"罰坐"既感覺

當毎次去完次所, 就獎貼紙

Step 4

當然少不了平時既洗腦, 可以買一d 去次所既書本,DVD

指出其他人都會一樣去次所 

或用公仔角色扮演去次所既情形

 

當然都唔係咁簡單, 我家Ina糖又獎過, 可愛底褲仔又用過都唔成功

真係好有"耐力"先戒到!!

毎次去完或只係話我知要去次所(可能柯唔出), 都要讚, 不停讚, 等佢好開心, 

中途有時掛住玩,睇電視都會唔肯去, 如果我叫佢去唔肯去, 之後頼左,當然會罰!

我會打patpat 同要求要佢自己清理返, 

或者可能我女有少許潔癖,所以都唔太喜歡抹自己既尿尿
當然我不只係屋企會帶佢去次所, 出街都會跟返時間帶佢去
自然出街都會話我知佢要去啦!

至於次所仔方面, 好早我已買定
因為我媽想早d戒片,未到一歲時已買定
當然我係買自己鍾意既次所仔啦:P
如果小朋友簡當然最好, 起碼係自己選擇既唔會唔鍾意!

個時好喜歡Rody,所以一次過買左好多Rody用品^_^

Rody次所仔有4個step

Rody 可能直接坐係上面, 都可以用係一般次板上,仲可以做腳踏,

次板仲有毛巾質料既套, 讓小朋友坐得舒服!

其中比較過Rody 次所仔有樣好, 就係頭係可以拆下, 

咁唔洗整條褲都要除低先坐到上去
加有附手既頭上去, 剛開始小朋友附住會比較安心, 又可防止小朋友逃走:P

２０１３年限定

毎年Rody都會出不同限定版既次所仔, 唔同色, 我諗我家全粉紅應該再買唔到了....
如果出紫色,我怕我會再換一個新既俾細細呢~~